Kingfisher Developments (Wales) Ltd yn ariannu technoleg glyfar ychwanegol ar ddatblygiad Cymdeithas Tai Newydd er mwyn cynorthwyo preswylydd oedrannus i gadw’n annibynnol, yn ddiogel ac mewn cysylltiad.
Wedi’i leoli yn Nyffryn, Bro Morgannwg, dechreuodd y gwaith ar y byngalo pwrpasol hwn ym mis Rhagfyr 2019. Gyda’r cysyniad Solcer gan gynnwys dylunio cyd-destunol arbennig yn defnyddio dull carbon isel, fe ddatblygodd Tîm Adfywio a Datblygu Cymunedol Newydd berthynas gyda’r darpar breswylydd a’u rhwydwaith cefnogi er mwyn helpu nodi technoleg glyfar a allai gynorthwyo i gynnal annibyniaeth, diogelwch a chysylltiad o fewn yr eiddo.
Nodwyd cynlluniau i wella pethau fel allweddi monitro ar gyfer yr eiddo sydd wedi dod yn fwyfwy anodd wrth i’r rhwydwaith gofal dyfu, y preswylydd yn gadael yr eiddo heb gymorth, y preswylydd yn cofio tasgau tymor byr a mynediad i’r rhyngrwyd o fewn yr eiddo er mwyn siopa bwyd ar-lein.
Dywedodd Scott Tandy, Swyddog Adfywio Cymunedol Newydd, “Roedd y dechnoleg a nodwyd yn ganlyniad uniongyrchol o’r wybodaeth a ddarparwyd gan y tenant a’r rhwydwaith gofal. Drwy gyfannu’r cynllun cefnogi tenant oedd yn bodoli’n barod, rydym yn gobeithio y bydd hyn yn galluogi’r tenant i fyw bywyd mwy annibynnol tra hefyd yn rhoi tawelwch meddwl i rwydwaith y tenant.”
Drwy raglen Buddion Cymunedol Newydd, fe wnaeth Kingfisher Developments ariannu a chefnogi’r gwaith o osod synwyryddion cyswllt, synwyryddion symudiadau, camera tu allan, clo clyfar a seinydd clyfar Alexa yn yr eiddo.
Dywedodd Pat Mcgovern, Rheolwr Safle Kingfisher Developments: “Mae Kingfisher Developments yn falch o gefnogi’r prosiect hwn sy’n defnyddio technoleg gynorthwyedig i roi budd i’r preswylydd mewn nifer o ffyrdd.”
Gobeithir y bydd y datblygiad wedi ei gwblhau yn gynnar yn 2021. Bydd y preswylydd wedyn yn parhau i dderbyn cefnogaeth drwy raglen Cynhwysiant Digidol Newydd, sydd â’r nod o leihau rhwystrau a gwella llythrennedd digidol.
Dywedodd Mat Holloway, twrnai’r preswylydd newydd, “Rydym wedi bod yn ddiolchgar iawn am y ffordd gyfeillgar a chydweithredol mae Newydd wedi ymgynghori â ni yn ystod y gwaith adeiladu er mwyn sicrhau bod y tŷ newydd wedi’i addasu’n briodol ar gyfer preswylydd bregus ac oedrannus. Rydym yn hyderus y bydd y tŷ newydd yn darparu lle byw cyfforddus, deniadol ac, yn bwysicach na dim, diogel ar gyfer ein cymydog, sy’n gynnwrf i gyd am ei chartref newydd.”
