Hylendid dŵr
Cadwch eich systemau gwresogi i weithio'n ddiogel.
Dilynwch y canllaw glendid dŵr yma er mwyn atal clefyd y Llengfilwyr:
Ceir hyd i facteria Legionella yn yr amgylchedd naturiol; fodd bynnag, gyda’r amodau cywir gall Legionella gael cyfle i halogi a thyfu mewn systemau dŵr poeth ac oer. Efallai eich bod chi wedi clywed am glefyd y Llengfilwyr. Mae clefyd y Llengfilwyr yn ffurf o niwmonia a all fod yn angheuol, ac fe’i hachosir drwy fewnanadlu defnynnau bach o ddŵr halogedig.
Isod rydym yn amlinellu rhai mesurau rheoli syml ond effeithiol a fydd yn eich helpu i gadw’ch systemau gwresogi yn gweithio’n ddiogel.
Rhedeg eich tapiau
Mae hi’n bwysig bod eich system dŵr poeth yn cael ei gadw’n boeth, bod eich dŵr oer yn cael ei gadw’n oer, a bod y dŵr yn gyffredinol yn cael ei gadw i gylchredeg drwy ddefnydd rheolaidd. Os ydych wedi bod yn yr ysbyty neu ar wyliau ac wedi gadael eich eiddo yn wag am 7 diwrnod neu fwy, sicrhewch wrth ddychwelyd bod eich tapiau a'ch cawodydd (heb anghofio unrhyw dapiau allanol) yn cael eu fflysio trwy eu rhedeg am o leiaf 2 funud.
Cawodydd
Os oes gennych chi gawod, mae hi’n bwysig eich bod yn glanhau pen y gawod bob 3 mis. I’r rhai hynny nad sy’n talu am y gwasanaeth hwn drwy eu tâl gwasanaeth, y dull traddodiadol yw:
1. Dadsgriwio pen y gawod a'r bibell a’i osod mewn bag plastig
2. Arllwys hydoddiant o un-rhan finegr gwyn i un-rhan dŵr a’i adael am 3 awr (gallwch hefyd ddefnyddio unrhyw ddad-galchydd cyffredinol)
3. Rinsiwch pen y gawod a'r bibell yn drwyadl.
Bydd hyn yn cael gwared ag unrhyw galch a gwaddod sydd fel arall yn darparu’r amgylchedd iawn i Legionella dyfu.
Os hoffech rannu'r wybodaeth yma gyda'ch teulu a'ch ffrindiau, lawrlwythwch ein taflen wybodaeth yma.
Beth allwch chi ei wneud?
Mae hi’n bwysig bod eich system dŵr poeth yn cael ei gadw’n boeth, bod eich dŵr oer yn cael ei gadw’n oer, a bod y dŵr yn gyffredinol yn cael ei gadw i gylchredeg drwy ddefnydd rheolaidd. Os ydych yn mynd ar wyliau ac yn gadael eich cartref yn wag am ychydig ddyddiau neu fwy, pan fyddwch yn dod adref gwnewch yn siŵr eich bod yn fflysio eich tapiau a’ch cawodydd (cofiwch am unrhyw dapiau tu allan) drwy eu cadw nhw i redeg am o leiaf 2 funud.
Boeler
Mae hi'r un mor bwysig eich bod yn dweud wrthym os nad yw eich boeler yn gweithio’n iawn, yn enwedig os ydych yn sylwi bod unrhyw weddillion neu afliwiad yn y dŵr sy’n llifo o’ch tapiau. Gallwch roi gwybod i ni drwy anfon neges ar Fy Newydd, ffonio 0303 040 1998 neu anfon neges destun i 07422 128780. Gofynnwn i chi beidio ag ymyrryd â’r gosodiadau ar eich boeler neu system dŵr poeth. Yn dilyn eich gwasanaeth gwresogi blynyddol, bydd y dŵr poeth wedi ei osod fel bod y dŵr yn cael ei gynhesu i 60°C. Dyma’r tymheredd lle nad yw’r bacteria Legionella yn medru tyfu.
