Byddwch yn derbyn eich llythyr blynyddol ynghylch y cynnydd mewn rhent a thaliadau gwasanaeth dros y wythnosau nesaf, ac efallai eich bod yn pendroni sut rydym yn cyfrifo lefel y cynnydd i’w gymhwyso.
Mae gan Lywodraeth Cymru gyfrifoldeb dros reoleiddio Cymdeithasau Tai yng Nghymru ac yn ddiweddar mae wedi cytuno ar drefniant rhent 10 mlynedd gyda’r holl landlordiaid cymdeithasol cofrestredig (RSLs) hyd at 2036. Mae hwn yn pennu’r uchafswm cynnydd rhent a ganiateir mewn unrhyw flwyddyn, ac mae’n dibynnu ar y Mynegai Prisiau Defnyddwyr (CPI) ym mis Medi bob blwyddyn. Mae’r Mynegai Prisiau Defnyddwyr (CPI) yn fesur ystadegol o’r newid cyfartalog dros amser yng nghost nwyddau a gwasanaethau defnyddwyr.
Os yw CPI rhwng 0% a 3%, yr uchafswm cynnydd a ganiateir yw CPI+1%.
Os yw CPI rhwng 3% a 5%, yr uchafswm cynnydd a ganiateir yw CPI+0.5%.
Os yw CPI ym mis Medi yn uwch na 5%, cyfrifoldeb Gweinidogion Cymru yw penderfynu’r cynnydd priodol i’w gymhwyso ar gyfer y flwyddyn honno.
Roedd CPI Medi 2025 yn 3.8%, o fewn yr ystod 3% i 5%, felly yr uchafswm y gall rhenti gynyddu yn 2026/27 yw 4.3%.
Fel rhan o’r broses benderfynu flynyddol ar lefel y cynnydd/lleihad rhent a gymhwysir, mae’n ofynnol i landlordiaid cymdeithasol asesu effeithlonrwydd costau, gwerth am arian a fforddiadwyedd i denantiaid.
Fforddiadwyedd
Disgwylir i landlordiaid cymdeithasol osod polisi rhent a thaliadau gwasanaeth sy’n parhau’n fforddiadwy i ddeiliaid contract presennol a’r dyfodol. Nid oes mesur safonol o fforddiadwyedd, nac un broses safonol a ddefnyddir gan sector tai Cymru. Y diffiniad mwyaf cyffredin yw Model Rhent Fforddiadwy y Joseph Rowntree Foundation (JRF), sy’n cael ei ddefnyddio’n eang yn y sector i asesu fforddiadwyedd. Rydym yn seilio ein modelu ar y dull hwn.
Ymgynghori, Ymgysylltu ac Adborth Tenantiaid
Rydym yn gweithio’n agos gyda’r Tîm Craffu Tenantiaid (TST) i lywio a gwella gwasanaethau. Bob blwyddyn cyn i ni wneud ein hargymhelliad i’r Bwrdd, rydym yn cyfarfod â’r TST i drafod canlyniadau Arolwg Fforddiadwyedd ar-lein a anfonwn ym mis Hydref. Derbyniwyd 334 o ymatebion eleni — 220 gan Newydd a 114 gan Cadwyn (yn 2025/26: derbyniwyd 428 ymateb — 201 Newydd a 227 Cadwyn).
Cymharwyd canlyniadau’r arolwg gyda chanlyniadau llynedd, ac maent wedi’u manylu yn y tabl isod:
Rydym hefyd yn ystyried yr adborth a gawn ar fforddiadwyedd rhent a thaliadau gwasanaeth drwy ein harolygon boddhad tenant chwarterol, a gynhelir gan gwmni ymchwil marchnad o’r enw Acuity.
Yn 2024/25 roedd 84% o denantiaid Newydd yn ystyried eu rhent yn werth am arian ac 63% yn ystyried bod eu tâl gwasanaeth yn werth am arian.
Yn hanesyddol, roedd Cadwyn yn cynnal arolygon boddhad bob dwy flynedd ond rydym wedi newid hyn — mae gennym nawr ddau chwarter o ddata diweddar sy’n cyfartaleddu at 83% boddhad â rhent a 58% â thaliadau gwasanaeth.
Gwerth am Arian
Trafodwyd gwerth am arian taliadau gwasanaeth gyda’r TST y llynedd pan gynhaliwyd adolygiad o’r taliadau gwasanaeth. Cyflwynwyd eu hargymhellion i’n Bwrdd. Roedd manylion yr adolygiad mewn cylchlythyr blaenorol. Ymhlith yr argymhellion roedd:
Effeithlonrwydd
Dros y chwe mis diwethaf rydym wedi adolygu sut rydym yn gweithio a nodi meysydd lle gallwn weithredu’n fwy effeithlon. Nod hyn yw rhyddhau adnoddau fel y gallwn gynyddu lefel yr buddsoddiad yn ein cartrefi ac ystadau dros y blynyddoedd nesaf, gan gryfhau ansawdd a chynaliadwyedd ein gwasanaethau.
Meincnodi
Rydym yn cymharu ein rhent bob blwyddyn â rhent cymdeithasau tai eraill yn yr ardaloedd awdurdod lleol lle’r ydym yn gweithredu.
Rôl y Bwrdd
Ar ôl casglu’r holl wybodaeth uchod, rydym yn cyflwyno argymhelliad i Fwrdd Grŵp Cadarn. Mae aelodau’r Bwrdd yn ystyried yr argymhelliad yn ofalus ac yn penderfynu ar y lefel cynnydd i’w defnyddio.
Mae’r Bwrdd wedi penderfynu defnyddio cynnydd o 4.3% eleni. Yn gymharol, roedd y cynnydd yn:
Effaith
I grynhoi, mae’r cynnydd rhent cyfartalog fesul wythnos yn:
Yn cael trafferth talu’ch rhent? Mae help ar gael
Mae dros 70% o’n tenantiaid yn derbyn Budd-dal Tai neu Gredyd Cynhwysol i dalu rhan neu’r cyfan o’u costau tai. Mae gennym hefyd nifer sylweddol o denantiaid sy’n gweithio ac yn talu eu hunain.
Os ydych yn cael trafferth talu’ch rhent, cysylltwch â ni ar unwaith. Mae gennym dîm o Swyddogion Cynhwysiant Ariannol yma i’ch helpu.
Newydd
Gall tenantiaid Newydd gael mynediad at y gwasanaeth drwy nifer o lwybrau:
