Cyfleoedd Cyflogaeth I Breswylwyr A Ryddhawyd Yn Ddiweddar O'r Carchar

Mae Newydd yn gweithio gyda phartneriaid lleol ar wasanaeth newydd i helpu preswylwyr sydd wedi’u rhyddhau o’r carchar yn ddiweddar i ddatblygu bywydau, cyflogaeth, a thenantiaeth sefydlog.

Mae’r cynllun ar agor i unrhyw un sy’n byw mewn cartref Newydd ac sydd:

• Wedi gadael y carchar o fewn y 12 mis diwethaf;
• Ar hyn o bryd yn ddi-waith;
• Ac â phlentyn dibynnol o dan 18 oed.

Drwy’r prosiect hwn, rydym wedi sicrhau swyddi gyda chyflogwr rhagorol yn y sector rheoli gwastraff sy’n ymwneud yn uniongyrchol â datblygu’r Ysbyty Canser Felindre newydd yng Nghaerdydd. Mae’r cwmni’n ymrwymo i gyflogi, hyfforddi a datblygu sgiliau cyfranogwyr gyda’r nod o wneud pob lleoliad gwaith yn barhaol.

Yn ogystal â’r cyfle cyflogaeth, bydd ein partneriaid yn darparu pecyn cynhwysfawr o gymorth, a all gynnwys: • Cyngor ar arian a chyllidebu; 

• Cymorth teuluol a lles; 
• Cymorth digidol a chyflogadwyedd; 
• Ymyriadau wedi’u teilwra i helpu unigolion i gynnal cyflogaeth.

Bydd cyflogaeth yn dechrau ganol Mawrth 2026, felly os oes gennych ddiddordeb i chi neu rywun arall sy’n byw mewn cartref Newydd, e-bostiwch Lee.Dunn@newydd.co.uk cyn gynted â phosibl am ragor o wybodaeth.