Cwestiynau Cyffredin (FAQs)

Beth yw’r Ddeddf Rhentu Cartrefi (Cymru)?

Yn 2016, fe wnaeth Llywodraeth Cymru basio Deddf Rhentu Cartrefi (Cymru) 2016 gyda’r nod o’i gwneud hi’n symlach ac yn haws i landlordiaid a thenantiaid rentu cartref yng Nghymru.
Y Ddeddf hon yw’r newid mwyaf sylweddol i gyfraith tai yng Nghymru ers degawdau, ac fe’i chynlluniwyd gan Lywodraeth Cymru dros gyfnod hir.
Mae hi’n cyflwyno nifer o newidiadau i gyfreithiau tenantiaeth a bydd yn berthnasol i landlordiaid cymdeithasol (fel Newydd) ac i’r sector rhentu preifat.
Mae’r newidiadau y mae’r Ddeddf yn eu cyflwyno wedi bod drwy broses graffu gan sefydliadau tenantiaid fel TPAS Cymru a Shelter Cymru.

Pryd fydd hyn yn digwydd?

Beth yw diben y Ddeddf?

Mae’r Ddeddf yn symleiddio a chysoni cytundebau, ac yn rhoi sicrwydd i bobl sy’n rhentu eu cartref yng Nghymru.
Mae hi’n gwella safon rhai tai rhent yng Nghymru.

Ar bwy mae hyn yn effeithio?

Pam mae hyn yn digwydd?

Er mwyn gwneud pethau’n haws ac yn fwy cyson pan fydd pobl yn rhentu cartref yng Nghymru.
Er mwyn sicrhau bod gan bawb sy’n rhentu yng Nghymru gartref sy’n addas ar gyfer byw ynddo.
Er mwyn gwella cysondeb safonau, pa un ai ydych yn byw mewn cartref wedi ei rentu oddi wrth landlord cymdeithasol fel Newydd, oddi wrth gyngor sir, neu oddi wrth landlord preifat.
Er mwyn rhoi mwy o sicrwydd i bobl sy’n byw mewn cartrefi sydd wedi’u rhentu’n breifat.

Beth sy’n newid?

O dan y gyfraith newydd, gelwir ‘Cytundeb Tenantiaeth’ yn ‘Gontract Meddiannaeth’ a gelwir ‘Tenant’ yn ‘Ddeiliad Contract’.
Mae’n rhaid i bob eiddo fod yn ddiogel, mae’n rhaid cael nodweddion fel larymau mwg gwifredig wedi’u gosod, ac mae’n rhaid cynnal profion diogelwch trydan yn rheolaidd.
Mae yna rai rheolau newydd ar gyfer delio gydag ymddygiad gwrthgymdeithasol.
Mae yna fwy o hawliau olynu, sef yr hawl i basio eich cartref i bobl eraill pan fyddwch yn marw. Mewn rhai sefyllfaoedd penodol, gallech basio eich cartref ymlaen i ofalwyr neu aelodau eraill o’r teulu.
Os yw’r landlord yn cydsynio, gellir ychwanegu Deiliad Contract i Gytundeb, neu eu tynnu oddi ar Gytundeb, heb fod angen terfynu’r cytundeb.
Bydd landlordiaid yn medru adfeddu eiddo gadawedig heb orchymyn llys.

Beth mae hyn yn ei olygu i fi fel tenant?

Mae’n symleiddio ac yn cryfhau eich hawliau fel tenant.
Mae’n gwella’r ffordd mae rhai landlordiaid yn rheoli tai rhentu yng Nghymru.
Bydd tenantiaid Newydd presennol yn derbyn Contract Meddiannaeth o fewn 6 mis o 1af o Ragfyr 2022, a bydd hyn yn cymryd lle eich Cytundeb Tenantiaeth.

Ydy hyn yn mynd i gostio unrhyw beth i fi neu effeithio ar fy rhent?

Na, ni fydd hyn yn cael unrhyw effaith ar eich rhent ac ni fydd unrhyw gost i chi.

Beth sydd angen i fi ei wneud?

Fe hoffem anfon eich cytundeb atoch chi’n electronig yn y dyfodol. Mae hyn oherwydd ein bod yn ceisio gostwng ein hôl troed carbon ac mae printio llai o bapur yn well i’r amgylchedd. Mae hyn hefyd yn arbed arian ar brintio a phostio, a gallwn ail-fuddsoddi’r arian i mewn i ddarparu gwasanaethau gwell a chyflymach i chi. Os na hoffech dderbyn eich cytundeb mewn fformat electronig, ffoniwch ni os gwelwch yn dda ar 0303 040 1998.
Wedi i chi dderbyn eich cytundeb, darllenwch e’n ofalus ac ymgyfarwyddwch ag e. Bydd eich cytundeb yn esbonio beth allwch chi ei wneud a beth na allwch chi ei wneud fel tenant, a beth gall Newydd ei wneud a beth na allwn ei wneud fel landlord.

Ble fedra i gael gwybod mwy?

Ewch i wefan Llywodraeth Cymru.